Efnamagn og gerjunarhæfni byggkorns [veggspjald]
 |
| Höfundur | Útgefandi | Útgáfuár | Útgáfustaður |
| Kristján Óttar Eymundsson, Bjarni Guðmundsson, Björn Þorsteinsson, Jónatan Hermannsson | Bí, LBH, RALA | 2001 | Reykjavík |
| | | |
| Rit | Árgangur | Tölublað | Bls. |
| Ráðunautafundur | 2001 | | 310 |
| | | |
| | | |
YFIRLIT
Tveimur yrkjum byggs, Arve og Gunillu, var sáð til kornþroska á tilraunastöðinni á Korpu vorið 1998. Niturskammtar voru tveir, 35 og 70 kg N á hektara. Skurðartímar voru fimm um haustið, á 10 daga fresti, frá 21. ágúst til 30. september. Kornið var efnagreint hrátt þar sem mælt var magn glúkósa, frúktósa, súkrósa, sterkju og hrápróteins. Kornið var verkað og geymt um þriggja mánaða skeið áður en gæði verkunar voru metin.
Marktækur munur var á rúmþyngd, þúsundkornaþyngd og þurrefnisinnihaldi kornsins á milli yrkja og skurðartíma. Ekki kom fram marktækur munur í þroska á milli niturskammta. Þroskaeiginleikar kornsins skýrðu afar vel efnaeiginleika þess fyrir utan hráprótein. Fyrir yrkin sameiginlega voru syrku- og sterkjuinnihald marktækt tengd fjölda daggráða eftir skrið og þurrefnisinnihaldi kornsins. Lítill munur reyndist vera í efnasamsetningu kornsins eftir yrkjum eða niturskömmtum. Súkrósinn skar sig þó úr en magn hans var marktækt meira hjá Arve en Gunillu. Súkrósainnihaldið jókst einnig með aukinni niturgjöf. Fall mældist í sykruinnihaldi, fyrir utan súkrósa, með þroska. Hrápróteinið og sterkjan breyttust aftur á móti lítið.
Gerjunin í korninu var umfangslítil. Sérstaklega á það við um mjólkursýrugerjunina. Etanólmyndunin var hlutfallslega mikil með tilheyrandi þurrefnistapi. Þurrefnisinnihald kornsins var mikilvægasti skýriþáttur gerjunarinnar. Ástæðan var litlar breytingar í efnainnihaldi kornsins með þroska. Ásamt þurrefni skýrðu þúsundkornaþyngd og fjöldi daggráða eftir skrið að stærstum hluta gæði verkunarinnar. Forvölsun kornsins jók gerjunina í korninu til muna og gerði hana minna háða þurrefnisstigi kornsins. Með tilliti til gerjunartaps og öryggis verkunarinnar er frumskilyrði að koma þurrefni kornsins yfir 50%. Æskilegast er þó að verka kornið með meira en 60% þurrefni. |