Greinasafn: Reiðleiðir um vestanverðan Tröllaskaga [veggspjald]

Reiðleiðir um vestanverðan Tröllaskaga [veggspjald]


Höfundur	Útgefandi	Útgáfuár	Útgáfustaður
Hjalti Þórðarson, Ingibjörg Sigurðardóttir	BÍ, LbhÍ, L.r., S.r.	2005	Reykjavík

Rit	Árgangur	Tölublað	Bls.
Fræðaþing landbúnaðarins	2005		384-386

Greinin í heild sinni er í skjali 41 hér að ofan og veggspjaldið í hinu pdf-skjalinu.

Yfirlit

Aukinn áhugi Íslendinga og erlendra gesta á lengri og skemmri hestaferðum á Íslandi, kallar á bættar aðstæður til ferðalaga á hestum. Í því sambandi eru greiðfærar reiðleiðir lykilatriði. Í stefnumótun Samgönguráðuneytis í ferðamálum, er lögð áhersla á að ein af meginleiðum til eflingar hestaferðamennsku, sé að ,,tryggja nauðsynlegar reiðleiðir og skipulagða uppbyggingu áfangastaða er taki tillit til umhverfisþátta í samráði við viðkomandi yfirvöld og umráðaaðila” (Samgönguráðuneytið, 1996, bls.38). Til að auka öryggi og auðga upplifun ferðamannsins er æskilegt að reiðleiðir liggi fjarri akvegum en þó í fullri sátt við landeigendur.

Skagafjarðarhérað hefur löngum verið þekkt fyrir blómlega hestamennsku en eins og víða í þéttbýlum héruðum, er á köflum vandkvæðum bundið að komast ríðandi milli staða. Á undanförnum árum hefur þó verið unnið mikið starf í þá veru að bæta aðstöðu og aðgengi hestamanna. Má þar nefna lagningu á tugum kílómetra af reiðvegum, lagfæringar á girðingum og gerð hliða og aðhalda. Um vestanverðan Tröllaskaga eru möguleikar á fjölmörgum stuttum sem löngum reiðleiðum. Sumar leiðirnar eru opnar og greiðfærar en aðrar í undirbúningi.