|
|
Tölvudeild Bændasamtaka Íslands sér um rekstur á tölvukerfi Bændasamtakanna, þróun og þjónustu á forritum fyrir bændur og búnaðarsambönd og almenna ráðgjöf í tölvumálum. Bændasamtök Íslands (BÍ) smíða og þróa forrit eða flytja inn og aðlaga fyrir íslenskar aðstæður. Bændur og búnaðarsambönd nýta sér tölvutækni í auknu mæli og í dag eru hundruðir bænda um allt land skráðir notendur að þeim forritum sem tölvudeild BÍ býður upp á.
BÍ hafa einnig umsjón með skráningu og úrvinnslu á skýrsluhaldi í öllum búgreinum og jafnframt sér tölvudeildin um skráningu og vistun á forðagæsluupplýsingum. Tölvudeildin sér um útgáfu af hestavegabréfum við útflutning á hrossum en þau eru unnin í gegnum WorldFeng.
Tölvukerfi BÍ samanstendur af staðarneti (Novell neti), fjölnotendatölvu (AS/400), Oracle miðlara og Linux vefþjóna. Notendur staðarnets eru um 60 í Bændahöllinni. Á staðarnetinu eru starfsfólk BÍ, Lífeyrisjóðs bænda og búgreinasambanda.
Tölvudeildin tók þátt í fundarherferðinni "Samtal við bændur" með Símanum og Upplýsingatækni í dreifbýli. Um 200 bændur mættu á 14 fundi sem haldnir voru hringinn í kringum landið. Einar H. Reynis tók saman myndasyrpu af hluta ferðarinnar.
Fara í netforrit BÍ:
Skýrsluhaldsgagnagrunnur í nautgriparækt - Huppa.is
Einstaklingsmerkingarkerfið MARK - www.bufe.is
WorldFengur - upprunaættbók íslenska hestsins
FJÁRVÍS.IS fyrir sauðfjárbændur
Til baka |
|
|