Efnisyfirlit

Inngangur
Skipurit BÍ
Tilgangur með handbókinni
Sögustiklur
Stjórn og starfsemi
Verkefni Bændasamtakanna
Stjórnsýsla
Búnaðarþing
Ráðunautar
Ráðunautafundir
Samstarf um landbúnaðarvef
Önnur starfsemi í Bændahöll
Starfsfólk
Starfsmannastefna BÍ
Starfsmannafundir
Vinnureglur og vinnulag
Starfsmannafélag
mannfagnaðir
Sérkjör og tilboð fyrir starfsmenn
Mötuneyti
Stéttarfélög og samningar
Trúnaðarmenn
Búnaðarsambönd
Búgreinasambönd

Skipurit BÍ

Inngangur Tilgangur með handbókinni Undanfarin ár hafa starfsmenn Bændasamtaka Íslands (BÍ) verið milli 40 og 50 og ársverk um 40. Þörf er fyrir gott upplýsingaflæði til starfsmanna um réttindi þeirra og skyldur ásamt upplýsingum um starfsemi BÍ og annarra samstarfsaðila sem aðsetur hafa í Bændahöll. Útgáfa þessarar starfsmannahandbókar er liður í bættu upplýsingaflæði til starfsfólks. Hún er hugsuð sem uppflettirit þar sem má finna allar helstu upplýsingar um starfsemi Bændasamtakanna auk hagnýtra upplýsinga sem eingöngu snúa að starfsfólki svo sem um fyrirkomulag í mötuneyti BÍ, starfsmannaskemmtanir og ferðir, sérkjör fyrir starfsfólk BÍ o.s.frv. Handbókin verður einnig sett á Netið og verður þar hægt að nálgast ítarefni sem er tiltækt í Lotus-kerfinu innanhúss eða á internetinu. Í bókinni táknar undirstrikaður texti að þar sé tengill yfir í ítarefni í handbókinni á vefnum. Upplýsingar í handbókinni verða uppfærðar reglulega s.s. listi yfir starfsfólk, verðlagning í mötuneyti og nöfn stjórnarfulltrúa í stjórn BÍ og Almennings ásamt nöfnum trúnaðarmanna. Handbókin verður uppfærð eigi sjaldnar en á ársfresti. Sögustiklur Landbúnaður var helsti atvinnuvegur Íslendinga frá upphafi Íslandsbyggðar og langt fram eftir 20. öldinni. Það var þó ekki fyrr en í byrjun 19. aldar sem bændur fengu málsvara til þess að stuðla að fræðslu og framförum í landbúnaði með stofnun Suðuramtsins húss- og bústjórnarfélags árið 1837. Er leið á öldina sameinaðist þetta fyrsta búnaðarfélag öðrum félagsskap víða um land og var árið 1899 nefnt Búnaðarfélag Íslands. Búnaðarfélagið stóð m.a. fyrir bændanámskeiðum og alþýðufyrirlestrum um margvísleg búnaðarmál og réð til starfa ráðunauta til leiðbeininga á ýmsum sviðum. Frá árinu 1952 hóf Búnaðarfélagið að standa fyrir ráðunautafundum sem fyrst í stað voru haldnir á tveggja ára fresti. Síðustu ár hafa ráðunautafundirnir verið árviss viðburður og eru nú haldnir í samvinnu við Rannsóknastofnun landbúnaðarins og Landbúnaðarháskólann á Hvanneyri Stéttarsamband bænda var stofnað 1945 til að sinna kjarabaráttu bænda og fór með þau mál, þar til Búnaðarfélag Íslands, og Stéttarsamband bænda sameinuðust í Bændasamtökum Íslands 1995. Upp frá því hafa Bændasamtökin, BÍ, séð um félags- og kjaramál fyrir íslenska bændur ásamt því að sinna faglegri leiðbeiningaþjónustu. BÍ tóku við hlutverki Framleiðsluráðs landbúnaðarins þegar það var lagt niður í árslok 1999. Lengi framan af átti Búnaðarfélagið ekki eigið húsnæði en úr því rættist þegar hús félagsins við Lækjargötu var tekið í notkun árið 1906. Var rúmt um starfsemina þar í tæpan aldarfjórðung. Þegar umsvif félagsins jukust stórlega á þriðja áratugnum var ljóst að Búnaðarfélagið þyrfti á stærra húsnæði að halda. Samþykkt var á búnaðarþingi 1941 að reisa bændahús í Reykjavík fyrir búnaðarfélögin í landinu, skrifstofur og gistiheimili. Nokkrum árum síðar gerðist Stéttarsamband bænda aðili að byggingu hússins og hafist var handa við bygginguna árið 1956. Árið 1961 var lokið við átta hæða byggingu sem síðar hlaut nafnið sem við öll þekkjum,- Bændahöllin. Búnaðarfélagið og Stéttarsambandið fluttu þó ekki í höllina fyrr en árið 1964 ásamt Framleiðsluráði landbúnaðarins og Sauðfjárveikivörnum. Bændahöllin var frá upphafi leigð undir margvíslega starfsemi. Sem dæmi má nefna að Flugfélag Íslands leigði eina hæð frá árinu 1961 til tíu ára. Síðan hóf Hótel Saga starfsemi árið 1962 og hafði í upphafi tvær hæðir undir hótelherbergi og 8. hæðina undir veitingasal. Á níunda áratugnum var hafist handa við að stækka höllina fyrir aukinn hótelrekstur og var því lokið árið 1985. Ennfremur flutti Búnaðarbanki Íslands í hið nýja húsnæði auk Lífeyrissjóðs bænda, Stéttarsambands bænda og Framleiðsluráðs landbúnaðarins. Þar var einnig komið gott pláss fyrir mötuneyti starfsfólks. Eftir sameiningu Búnaðarfélagsins og Stéttarsambandsins árið 1995 í Bændasamtök Íslands hefur starfsemin verið flutt í eldri bygginguna, suðurálmuna þar sem tölvudeild er á 2. hæð, en önnur starfsemi samtakanna á þeirri þriðju. Stjórn og starfsemi Verkefni Bændasamtakanna Bændasamtök Íslands eru forystuafl og samnefnari landbúnaðar á Íslandi. Markmið samtakanna er; - að standa vörð um hagsmuni bænda og kjör og skapa þeim félagslegan vettvang - að skipuleggja og veita bændum, búnaðar-samböndum/leiðbeiningastöðvum faglega ráðgjöf og stuðning, sem miðar að bættum árangri í búreskstri, þannig að landbúnaðurinn verði í senn samkeppnishæfur og fjárhagslega arðbær. Á undanförnum árum hafa miklar breytingar orðið á rekstrarumhverfi landbúnaðar og frekari breytingar eru fyrirsjáanlegar. Þær eiga það sammerkt að þörf bænda fyrir hvers kyns stuðning og þjónustu er varðar búrekstur og afkomu fer vaxandi. · Þróun í tölvu- og samskiptatækni verður sífellt örari og býður upp á áður óþekkta möguleika í rekstri ef tekst að nýta tæknina til fulls. · Neytendur um allan heim gera auknar kröfur til hollustu og öryggis matvæla, sem þýðir ný tækifæri fyrir landbúnað á Íslandi, sé rétt á málum haldið. · Aukin alþjóðleg samkeppni og frjálsari viðskipti með landbúnaðarvörur kalla eftir samkeppnishæfari framleiðslu íslenskra landbúnaðarafurða, en opna honum jafnframt nýja möguleika í útflutningsmálum. · Byggðaröskun í landinu getur breytt búsetuskilyrðum verulega á einstökum svæðum og valdið erfiðleikum í búrekstri. · Aukin samþjöppun á smásölumarkaði og vaxandi áhrif smásöluaðila í afurðasölu skapa aukinn þrýsting á framleiðendur landbúnaðarafurða, sérstaklega að því er varðar verðlagsmál. Á sama tíma eru að verða breytingar sem hafa áhrif á hvernig Bændasamtök Íslands þurfa að haga sinni starfsemi bæði í samskiptum og þjónustu við bændur: · Sífellt örari breytingar í rekstrarumhverfi og rekstrartækni í landbúnaði munu gera meiri og öðruvísi kröfur til ráðgjafar. · Samskiptatækni gefur kost á að breyta stórum hluta þjónustu og miðlun upplýsinga frá BÍ. · Breyttar víglínur í virðisaukakeðju munu kalla á breyttar áherslur í hagsmunagæslu. · Auknir möguleikar skapast á fjáröflun erlendis til rannsókna og þróunarverkefna með auknu samstarfi út á við. · Stærri og tæknivæddari bú með hæfari bændum gera meiri kröfur til sérhæfðrar ráðgjafar og þjónustu. Samhliða kunna viðhorf til fjármögnunar starseminnar að breytast. · Fjölbreyttari þarfir bænda fyrir þjónustu munu kalla á aukið samstarf og samninga við sérhæfða þjónustuaðila utan BÍ. Það er markviss stefna Bændasamtaka Íslands að bregðast við þessari þróun, þannig að þau geti áfram gegnt forystuhlutverki sínu og séð bændum fyrir viðeigandi þjónustu sem gagnast þeim best á hverjum tíma. Til að ná því marki munu samtökin byggja á þeim þekkingargrunni og aðstöðu sem er fyrir hendi, en skapa jafnframt skilyrði til þess í starfseminni að unnt verði að mæta sífellt fjölbreyttari þörfum bænda til þjónustu og félagsstarfsemi. Í þeim tilgangi hafa tvö megin starfssvið verið sett á laggirnar, félagssvið og ráðgjafarsvið. Stjórnsýsla og starfssvið deilda Hjá Bændasamtökunum eru um 47 ársverk, þar af eru 4 ársverk við nautastöðvarnar á Hvanneyri og í Þorleifskoti en BÍ eiga og reka báðar þær stöðvar. Þann 1. janúar 2000 var Framleiðsluráð landbúnaðarins lagt niður og flest verkefni þess flutt yfir til BÍ. Starfsemi BÍ var jafnframt skipt á fimm svið. Félagssvið er vettvangur víðtækra hagsmuna og ólíkra sjónarmiða innan landbúnaðarins og hefur það hlutverk að standa vörð um rekstrarskilyrði og ímynd landbúnaðarins. Félagssvið annast samningagerð við opinbera aðila vegna landbúnaðar og framkvæmd þeirra, eftir því sem um semst milli aðila. Jafnframt safnar félagssvið og vinnur úr hagtölum og annast hvers konar upplýsingaöflun um starfsemi og hag landbúnaðar í þeim tilgangi að styðja hagsmunabaráttu bænda. Félagssvið mun markvisst leita til annarra eininga í félagskerfi bænda, s.s. búnaðarsambanda og búgreinasambanda um frekari þróun starfseminnar með það að markmiði að samstarf þessara aðila verði sem skilvirkast og þjóni sem best hagsmunum bænda á hverjum tíma. Stefna verður markvisst að því að ná til nýrra aðila í landbúnaði, rækta samband við einstaka bændur og búgreinar og treysta þannig stöðu BÍ sem samnefnara landbúnaðarins. Einnig rækir félagssvið ýmis samskipti við afurðastöðvar og annast ýmis erlend samskipti s.s. við Bændasamtök á hinum Norðurlöndunum. Ráðgjafarsvið hefur það meginhlutverk að bæta samkeppnis-hæfni íslensks landbúnaðar og hafa frumkvæði í að efla fagþekkingu og færni bænda á öllum sviðum búrekstrar. Til þess verður kappkostað að bjóða upp á fjölbreytta fagþjónustu varðandi alla þætti búrekstrar eftir því sem þörf er á. Í því sambandi leggur ráðgjafarsvið áherslu á að efla og treysta samstarf við rannsóknastarfsemina í landinu og búnaðarsamböndin/leiðbeiningarstöðvarnar. Til að ná þeim markmiðum mun ráðgjafarsvið byggja á þeirri sérþekkingu sem er fyrir hendi innan BÍ. Jafnframt verður leitað til utanaðkomandi samstarfsaðila eftir því sem það er hagkvæmt og í þeim tilgangi að sinna best þörfum bænda. Ráðgjafarsvið mun kappkosta að haga þjónustu sinni í takt við breyttar þarfir og nýja möguleika í landbúnaði. Ráðgjafarsvið mun hafa frumkvæði í að tengjast aðgerðum opinberra aðila t.d. í byggða-, umhverfis- og gæðamálum og jafnframt leita sóknarfæra og samstarfs við aðra aðila um sérstök verkefni sem miða að auknum árangri í rekstri og framleiðslu. Auk ofangreindra megin þjónustusviða munu BÍ starfrækja nauðsynlega þjónustu til þess að tryggja betri árangur af starfseminni. Útgáfu og kynningarsvið hefur það fjölþætta hlutverk að annast miðlun hvers konar upplýsinga og fræðslu. Markmiðið er að efla fagþekkingu bænda og bæta búrekstur. Ennfremur er stefnt að því að styrkja stéttarvitund bænda og samstöðu, jafnframt því sem skilningur almennings á íslenskum landbúnaði og gildi hans fyrir þjóðarbúið verði aukinn. Í þessu skyni munu BÍ annast útgáfu á margskonar faglegu upplýsingaefni fyrir bændur, en jafnframt stunda öfluga kynningar- og útgáfustarfsemi í þágu landbúnaðar. Tölvudeild annast tölvu-, upplýsinga-, skýrsluhaldskerfi og gagnagrunna BÍ. Tölvudeildin skal leitast við að tölvu- og samskiptatækni sé ætíð nýtt til hagræðis og betri þjónustu við starfsfólk og félagsmenn. Forritaþróun Bændasamtakanna er í höndum tölvudeildar. Tölvudeild BÍ mun jafnframt annast þjónustu við bændur og búnaðarsambönd/leiðbeiningastöðvar á sviði upplýsingatækni eftir því sem ákveðið verður að bjóða upp á slíka þjónustu og hagkvæmt getur talist að veita hana innanhúss. Fjármál og skrifstofa annast alla daglega fjármálaumsýslu, rekstur skrifstofu og starfsmannamál. Fjámálasvið sér um bókhald samtakanna, fjárreiður og sér til þess að varsla fjármuna skili hámarksávöxtun. Fjármálasvið hefur umsjón með greiðslum samkvæmt búvörusamningum í samræmi við fyrirmæli félagssviðs. Jafnframt sér fjármálasvið um skrifstofuþjónustu er stuðli að aukinni skilvirkni starfsmanna og markvisssari vinnubrögðum. Fjármálasvið hefur einnig með höndum ráðningar og þjálfun starfsmanna auk samninga við þá og launagreiðslur. Búnaðarþing Búnaðarþing (aðalfundur BÍ) fer með æðsta vald í öllum málefnum BÍ. Það er haldið árlega og þar eiga sæti 48 fulltrúar sem þangað eru kjörnir af aðildarsamtökunum til þriggja ára í senn. Þriðja hvert ár kýs Búnaðarþing sjö manna stjórn Bændasamtakanna og stjórnin ræður framkvæmdastjóra að hámarki til sama tíma og kjörtími hennar er. Búnaðarþing er haldið á Hótel Sögu í marsmánuði og stendur yfir í um 4 – 5 daga. Núverandi stjórn var kjörin vorið 2004 en stjórnarmenn eru: Haraldur Benediktsson, formaður, netfang: hb@bondi.is Gunnar Sæmundsson, Hrútatungu, 1. varaformaður, netfang: tgs@islandia.is Sveinn Ingvarsson, Reykjahlíð, 2. varaformaður, netfang: katrina@eyjar.is Guðmundur Jónsson, Reykjum, netfang: ty@orf.is Sigríður Bragadóttir, Síreksstöðum, netfang: sirek@simnet.is Sigurbjartur Pálsson, Skarði, netfang: skard@rang.is Jóhannes Sigfússon, Gunnarsstöðum 1, netfang: joibegga@isholf.is Framkvæmdastjóri er Sigurgeir Þorgeirsson. Ráðunautar Hjá Bændasamtökunum starfa 10-12 landsráðunautar á eftirtöldum sviðum landbúnaðar: alifuglarækt, jarðrækt, landnýtingu og lífrænni ræktun, svínarækt, nautgriparækt, sauðfjárrækt, garðyrkju, loðdýrarækt, hrossarækt og hagfræði. Flestir ráðunautanna eru með skrifstofu á 3. hæð. Þó eru garðyrkjuráðunautarnir með aðsetur að Reykjum í Ölfusi, loðdýraráðunautur á Sauðárkróki og ráðunautur í alifuglarækt er með aðsetur á Tilraunastöð HÍ í meinafræðum að Keldum. Landsráðunautar sinna störfum á skrifstofu, fylgjast með og miðla innlendum og erlendum rannsóknaniðurstöðum, svara fyrirspurnum og veita fræðslu með greinaskrifum, fundahöldum og með því að halda námskeið, auk heimsókna á leiðbeiningarmiðstöðvar og til einstakra bænda eftir ástæðum hverju sinni. Þeir veita upplýsingar til almennings og eru stjórnvöldum til ráðuneytis, hver á sínu sviði. Fræðaþing landbúnaðarins Bændasamtök Íslands, Landbúnaðarháskólinn á Hvanneyri og Rannsóknastofnun landbúnaðarins standa árlega að Fræðaþingi landbúnaðarins sem er vettvangur fræðilegrar umræðu og kynningar á því sem efst er á baugi i rannsóknum og þróun landbúnaðarins. Fræðaþingið stendur yfir í 2-3 daga. Flutt eru erindi ásamt því sem ýmsum fróðleik og upplýsingum um landbúnaðarmál er komið fyrir á veggspjöldum og stillt upp á sýningu síðasta daginn. Samstarf um landbúnaðarvef – Landbunadur.is Haustið 2001 hafði BÍ frumkvæði að því að koma á samvinnu nokkurra félaga og stofnana um sameiginlegan landbúnaðarvef. Rannsóknastofnun landbúnaðarins Rannsóknastofnun Landbúnaðarins, (RALA) og Landbúnaðarháskólinn á Hvanneyri, (LBH) tóku þátt frá upphafi og brátt bættust fleiri samstarfsaðilar við: Lífeyrissjóður bænda, Aðfangaeftirlitið, Yfirkjötmat ríkisins og Landgræðsla ríkisins. Landbúnaðarvefurinn er regnhlífarvefur sem samstarfsaðilar sjá sameiginlega fyrir efni. Hver samstarfsaðili hefur að auki sinn sjálfstæða sérvef. Allar ákvarðanir varðandi sameiginlega landbúnaðarvefinn eru teknar af stjórn vefsins. Í henni sitja fulltrúar stærstu samstarfsaðilanna. Eftirtaldir eiga sæti í stjórninni: BÍ, RALA, LBH og Landgræðslan. Vefstjóri Bændasamtaka Íslands er fulltrúi þeirra í stjórn Landbúnaðarvefsins. Önnur starfsemi tengd BÍ með aðsetur í Bændahöll Önnur starfsemi í Bændahöll Á þriðju hæð í Bændahöll hafa eftirtaldir samstarfsaðilar aðsetur: Lífeyrissjóður bænda Landssamtök sauðfjárbænda Áform, átaksverkefni Svínaræktarfélag Íslands. Landssamband sláturleyfishafa Félag eggjaframleiðenda Starfsfólk Starfsmannastefna BÍ Starfsmannastefna BÍ miðar að því að markmið samtakanna náist, að gagnkvæmt traust og samstarf ríki milli starfsfólks og stjórnenda og þjónusta sé sem best við umbjóðendur samtakanna. Ráðningar BÍ sækist eftir því að ráða til starfa hæfa, áhugasama og trausta einstaklinga sem geta leyst þau verkefni sem þeim eru falin á sem bestan hátt. Starfsfólk BÍ þarf að hafa metnað til þess að bæta við þekkingu sína eins og þörf krefur í hverju verkefni. BÍ hvetja starfsfólk sitt til endurmenntunar og fræðslu um þau verkefni sem að þeim lúta og komið geta til góða í starfi. Þannig er stuðlað að aukinni ánægju og hæfni starfsfólks. Starfslýsingar BÍ vinna að því að til séu starfslýsingar fyrir öll störf innan samtakanna. Það er stefna BÍ að ekki verði ráðið í starf nema fyrir liggi starfslýsing og að umsækjandi eigi þess kost að kynna sér hana. Starfslýsingar taka breytingum samhliða þróun starfa og skulu teknar til endurskoðunar reglulega.Sá sem kemur aftur er aldrei sá sami og sá sem fór. Upphaf starfs og vinnuumhverfi BÍ leitast við að aðkoma og fyrstu dagar starfsmanns í starfi verði ánægjulegir og gagnlegir . Þess vegna skal tekið vel á móti nýjum starfsmönnum og sér næsti yfirmaður um þann undirbúning. Þess skal gætt að vinnuaðstaða sé með viðeigandi hætti og að starfsmanni séu kynntar allar helstu vinnureglur og starfsemi BÍ strax í fyrstu viku. Starfsumhverfi og heilsa Bí hvetur starfsmenn til heilsuræktar og endurgreiða upp að vissu marki kostnað við líkamsrækt og íþróttaiðkun. Til þess að stuðla að góðri heilsu starfsmanna er mikilvægt að vinnuaðstaða sé ákjósanleg og taki mið af þeim verkefnum sem starfsmaður hefur á hendi. Til þess að tryggja að svo sé er leitað til sjúkraþjálfara sem leiðbeinir starfsmönnum um vinnuaðstöðu og vinnulag. Lögð er áhersla á góðan starfsanda með því að styrkja starfsmannafélagið til góðra verka auk þess sem reynt er að koma til móts við starfsfólk með sveigjanleika á vinnutíma. Starfsmannafundir - mánudagsfundir Starfsmannafundir, sem nefndir eru mánudagsfundir, eru haldnir fyrsta mánudag hvers mánaðar kl. 09:00 á bókasafninu. Á fundinum eru ýmis málefni kynnt starfsmönnum og um leið er fundurinn vettvangur fyrir starfsmenn til að koma athugasemdum eða upplýsingum á framfæri til annarra starfsmanna. Starfsmannafundinum stýrir framkvæmdastjóri og standa þeir yfir í hálfa til eina klukkustund.Betri er einn fugl í hendi en tveir í skógi. Vinnureglur og vinnulag Vorið 2002 kom sjúkraþjálfari í heimsókn og gerði úttekt á vinnuaðstöðu starfsmanna; aðstoði við að stilla stóla og borð og gaf ráð varðandi uppsetningu og val á skrifstofubúnaði ásamt því að fræða starfsmenn um vinnustellingar og vinnulag. Stefnt er að því að heimsókn sjúkraþjálfara verði árviss viðburður. Starfsmenn Bí eru vinsamlega beðnir um að virða eftirfarandi reglur: Skrá sig í viðvistarskrá Lotus kerfisins, "Hvar er..." í upphafi vinnudags. Skrá fundi og aðra viðburði í dagatal Lotus-kerfisins. Læsa skrifstofum þegar þær eru yfirgefnar í matar- og kaffihléi. Nokkuð hefur borið á að verðmætum s.s. fartölvum og veskjum hafi verið stolið úr skrifstofum á vinnutíma. Slökkva á tölvum, tölvuskjám, prenturum og ljósritunarvélum í lok vinnudags. Það fer betur með tækin og sparar orku. Skila kaffibollum í mötuneyti fyrir klukkan þrjú. Láta starfsfólk símaskiptiborðs vita þegar skroppið er frá. Reykingar eru hvergi leyfðar í húsnæði BÍ. Starfsmannafélag Starfsmannafélag starfsmanna BÍ nefnist Almenningur. Félagið skipuleggur mannfagnaði s.s. árshátíð, þorrablót og ferðalög. Stjórn Almennings er skipuð 5 starfsmönnum og fer stjórnarkjör fram árlega, vanalega í apríl. Stjórnin er kjörin til eins árs í senn. Í stjórn Almennings sitja nú eftirfarandi fulltrúar: Baldur Óli Sigurðsson, formaður; Elsa Særún Helgadóttir, gjaldkeri; Tjörvi Bjarnason, ritari; Ásdís Kristinsdóttir og Erna Bjarnadóttir meðstjórnendur. Starfsmannafélagið velur 2-3 fulltrúa í Gjafasjóðsnefnd. Mánaðarlega eru 500 kr. dregnar af launum starfsfólks í gjafasjóð sem stendur undir útgjöldum vegna gjafakaupa í tilefni stórafmæla, brúðkaupa og starfsloka. Fulltrúar í Gjafasjóðsnefnd sjá um gjafakaupin. Starfsmanni er í sjálfsvald sett hvort hann er með í gjafasjóði. Eftirtaldir eru fulltrúar í gjafasjóðsnefnd: Jóhanna Lúðvíksdóttir og Halldóra Ólafsdóttir. Mannfagnaðir Fastir liðir eru haustfagnaður, jólaball, Þorrablót, árshátíð og sumarferð. Að auki eru haldin bjórkvöld eftir því sem þorsti og félagsþörf starfsmanna gefur tilefni til. Dregið er úr potti með nöfnum allra starfsmanna í skemmtinefndir sem hafa umsjón með hverri þessara skemmtana. Sérkjör og tilboð Starfsmönnum standa eftirfarandi sérkjör til boða: BÍ veitir styrk til líkamsræktar og greiðir allt 50% af kostnaði á mánuði en þó aldrei meira en 1500 kr. á mánuði. Sýna þarf greiðslukvittun. Mecca spa veitir 15% afslátt af þjónustu og vörum auk þess sem árskort í líkamsræktina er á tilboðsverði. Nánari upplýsingar veitir formaður Almennings. Hárgreiðslustofan Hársaga veitir 10% afslátt af þjónustu og vörum. Efnalaugin Perlan kemur daglega og tekur föt frá starfsmönnum í hreinsun og skilar þeim daginn eftir. Veittur er 20% afsláttur af hreinsuninni. Nánari upplýsingar gefa ritarar BÍ. Mötuneyti Í mötuneyti BÍ er daglega boðið upp á nýbakað brauð í morgunkaffinu, hádegisverð og eftirmiðdagskaffi. Hægt er að greiða fyrir málsverðina með matarmiðum sem fást hjá gjaldkera eða í peningum. Einnig er hægt að láta skrifa máltíðina hjá sér og er heildarupphæð í lok hvers mánaðar þá dregin af launum starfsmannsins. Ekki er rukkað fyrir kaffi- eða tesopann. Mötuneyti á veturna: Morgunkaffi – kl. 09:45 – 10:05. Hádegisverður – kl. 12:00-12:30. Matar- og kaffitímar eru sveigjanlegir eftir mismunandi þörfum starfsmanna. Verð fyrir starfsfólk Bændasamtaka og annarra samstarfsaðila á hæðinni: Brauð og bakkelsi morgunkaffi kostar kr. 50 stk. Máltíð í hádeginu kostar kr. 400. Fyrir utanaðkomandi gesti starfsmanna kostar hádegisverðurinn kr. 800. Stéttarfélög og samningar Gerður er starfssamningur við alla starfsmenn og fylgja þeim starfslýsingar. Flestir starfsmenn eru í Félagi íslenskra náttúrufræðinga, FÍN, Verslunarmannafélagi Reykjavíkur, VR eða Starfsmannafélagi ríkisstofnana, SFR. Trúnaðarmaður gefur upplýsingar um kjarasamning auk þess sem hægt er að snúa sér beint til viðkomandi stéttarfélags og fá eintak af samningnum. Í starfsmannahandbókinni á vefnum er hægt að skoða kjarasamningana með því að smella á eftirfarandi tengla: Kjarasamningur FÍN Kjarasamningur VR Kjarasamningur SFR Trúnaðarmenn Trúnaðarmenn stéttarfélags eiga að vera í forsvari fyrir starfsmenn í viðræðum við stjórnendur fyrirtækis. Trúnaðarmenn eiga því að hafa góða þekkingu á kjarasamningum auk þess sem þeir koma með óbeinum hætti bæði að fyrirtækjasamningum og einstaklingssamningum, fyrir utan að þeir leysa úr ágreininingi starfsmanna og yfirmanna. Hjá BÍ er trúnaðarmaður kjörinn fyrir hvert félag, VR, FÍN og SFR. Til þeirra geta starfsmenn leitað ef spurningar vakna varðandi kjör og réttindi. Trúnaðarmenn hjá BÍ: VR, Hrefna Hreinsdóttir; FÍN, Jóhann Ólafsson og Magnús Ágústsson, varatrúnaðarmaður; SFR, Eiríkur Helgason og Halldóra Ólafsdóttir varatrúnaðarmaður. Búnaðarsambönd Í öllum sveitum landsins hafa frá því á 19. eða 20. öld lengst af verið starfandi hreppabúnaðarfélög. Þau hafa myndað búnaðarsambönd sem hvert um sig nær yfir eina eða fleiri sýslur. Á síðustu árum hafa víða orðið breytingar og nú er bakgrunnur búnaðarsambandanna misjafn. Sums staðar eiga búgreinafélög aðild að búnaðarsambandi og annars staðar eiga bændur beina aðild að búnaðarsambandi. Helstu verkefni búnaðarsambanda eru að veita faglega ráðgjöf um landbúnað og þau eru jafnframt stéttarfélög bænda. Flest þeirra veita sérhæfða bókhaldsþjónustu og annast búfjársæðingar. Dæmi eru um að fleiri búnaðarsambönd reki sameiginlega ráðunautaþjónustu, s.s. Húnvetningar og Strandamenn, Eyfirðingar og Þingeyingar. Starfsmenn búnaðarsambanda sem annast leiðbeiningaþjónustu kallast héraðsráðunautar. Nánari upplýsingar um búnaðarsamböndin Bsb. Kjalarnesþings, s. 566 6217, bsk@isholf.is Bst. Vesturlands, s. 437 1215, buvest@vesturland.is Bsb. Vestfjarða, s. 456 3773, sj@bondi.is Bsb. Strandamanna, s. 451 3420, rhs@bondi.is* Bsb. V- Húnavatnssýslu, s. 451 2601, rhs@bondi.is* Bsb. A-Húnavatnssýslu, s. 452 4295, rhs@bondi.is* Bsb. Skagfirðinga** Bsb. Eyjafjarðar, s. 462 4477, vignir@bondi.is*** Bsb. S-Þingeyinga, s. 464 2490, msj@bondi.is*** Bsb. N-Þingeyinga, s. 464 2490, vignir@bondi.is*** Bsb. Austurlands, s. 471 1161 og 471 1226, austur@bondi.is Bsb. A-Skaftafellssýslu, s. 478 1012, askaft@bondi.is Bsb. Suðurlands, s. 482 1611, bssl@bssl.is * Ráðunautaþjónusta Húnaþings og Stranda, s. 451 2601, rhs@bondi.is ** Leiðbeiningamiðstöðin ehf, s. 455 7100, arnig@krokur.is *** Ráðunautaþjónusta í landbúnaði á Norðurlandi eystra, s.455 7100, arnig@krokur.is Búgreinasambönd Í öllum búgreinum eru starfandi sambönd, samtök eða félög. Hin stærri þeirra skiptast í héraðabundin aðildarfélög sem oft miðast við umdæmi búnaðarsambanda. Þar má nefna Landssamband kúabænda og Landssamtök sauðfjárbænda. Á þessari stundu eiga 13 búgreinasambönd/-félög aðild að Bændasamtökum Íslands og fulltrúar þeirra sitja á búnaðarþingi. Búgreinasambönd: Félag eggjaframleiðanda, s. 563 0363, hildur@bondi.is Félag ferðaþjónustubænda, s. 570 2700, sveit@sveit.is Félag hrossabænda, s. 563 0319, fhb@bondi.is Félag kjúklingabænda, s. 563 0363, hildur@bondi.is Landssamband kartöflubænda, s. 487 5656, gullauga@islandia.is Landssamtök skógareigenda, s. 4711365, eiksf@mmedia.is Landssamband kúabænda, s. 437 0210, lk@naut.,is Landssamtök sauðfjárbænda, s. 563 0300, ls@bondi.is Landssamtök vistforeldra í sveitum, s. 482 1313, asta.olafsdottir@visir.is Samband garðyrkjubænda, s. 480 4311, gardyrkja@gardyrkja.is Samband íslenskra loðdýrabænda, s. 473 1485, else@simnet.is Svínaræktarfélag Íslands, s. 463 1352, ingvist@isholf.is Æðarræktarfélag Íslands, s. 563 0300, as@bondi.is

Athyglisverðir tenglar

dkBúbót handbók

Eyðublöð

Samningar

Forrit fyrir bændur

Greiðslumark

Lög og reglugerðir

Tölur og gjaldskrár

Útgefið efni

Þéttbýlið og sveitin

Starfsmannahandbók

Efnisyfirlit

Skipurit BÍ

Tilgangur handbókarinnar

Sögustiklur

Verkefni BÍ

Stjórnsýsla

Búnaðarþing

Ráðunautar

Ráðunautafundir

Samstarf um landbúnaðarvef

Önnur starfsemi

Starfsmannastefna BÍ

Starfsmannafundir

Vinnureglur/vinnulag

Starfsmannafélag

Mannfagnaðir

Sérkjör fyrir starfsmenn

Mötuneyti

Stéttarfélög og samningar

Trúnaðarmenn

Búnaðarsambönd

Búgreinasambönd