Bókhald
Tvíhliða bókhald
Tvíhliða bókhald byggir á þeirri staðreynd að í sérhverjum viðskiptum eru verðmæti látin af hendi í stað annarra. Í bókhaldi fyrirtækis er færð sérstök færsla fyrir þau verðmæti sem látin eru af hendi og einnig fyrir þau verðmæti sem fengin eru í staðinn. Hver færsla fær þannig að lágmarki tvær línur í dagbókarfærslum fyrirtækisins aðra þeirra í + og hina í - .
Debet – kredit
Færslur yfir verðmæti sem fyrirtækið fær eru kallaðar debet færslur og þessar færslur bera formerkið + í tölvufærðu bókhaldi.
Færslur yfir þau verðmæti sem fyrirtækið lætur af hendi eru kallaðar kredit færslur og fá formerkið – í bókhaldinu.
Eðli málsins samkvæmt er það sama fjárhæð sem látin er af hendi og þau verðmæti sem fengin eru í hverjum viðskiptum og er því ávallt sama fjárhæð færð debet og kredit megin í bókhaldið á hverju fylgiskjali bókhaldsins.
Þess vegna er mismunur dagbókar ávallt 0 krónur í lok skráningar hvers fylgiskjals.
|